Atyraýlyq sheneýnikke para bergeni úshin mıllıon teńge aıyppul salyndy
ATYRAÝ. QazAqparat - Atyraý qalalyq №2 soty «Jer kadastry ǴÓO» RMK fılıalynyń Isataı aýdandyq bóliminiń bastyǵyna úkim shyǵardy, ol óziniń tikeleı basshysyna para bergeni úshin aıyptaldy.
«Sot talqylaýy barysynda «Jer kadastry ǴÓO» RMK oblystyq fılıalynyń dırektory baǵynysty qyzmetkerinen ár túrli qamqorlyq kórsetýge ýáde berip, myń dollar talap etken. Qajetti somany taba almaǵan bólim basshysy bastyǵyna 100 myń teńge bergen. Ol para berý sátinde ustaldy. Sottalýshy QR QK 367-baby boıynsha aıypty dep tanylyp, oǵan 1 mln. teńge kóleminde aıyppul tóleý túrinde jaza kesildi. Ol sondaı-aq ómir boıyna memlekettik qyzmette jumys isteý quqyǵynan aıyryldy», dep habarlady oblystyq sottyń baspasóz qyzmeti.
Budan buryn habarlanǵandaı, oblystyq fılıal dırektoryna da úkim shyqty. Ol qaramaǵyndaǵy adamdardan birneshe ret para alǵany úshin 5 mln 250 myń teńge kóleminde aıyppul tóleıtin bolady. Oǵan da memlekettik qyzmette jumys isteýge tyıym salyndy.
