Atyraýlyq sharýager shekaradaǵy aýdanǵa 20 tonna kókónisti tegin berdi
Atyraý oblysynyń Mahambet aýdanyndaǵy «AtyraýAgroÓnimderi» sharýa qojalyǵynyń jetekshisi Vladımır Rozmetov Reseımen shekaradaǵy Qurmanǵazy aýdanyna 20 tonna kókónisti tegin jiberdi. Onyń 15 tonnasy - kartop, al 5 tonnasy -pııaz. Bul ónimder 19 aýyldyq okrýgtegi 49 eldimeken turǵyndaryna tegin beriledi.
«Qurmanǵazy – oblys ortalyǵynan shalǵaıda ornalasqan, Reseıdiń Astrahan oblysymen shekaralas aýdan. Osy kezge deıin bul aýdannyń turǵyndary kúndelikti azyq-túligin kórshi elden satyp alatynyn bilemin. Qazir sol múmkindiktiń aıasy taryldy. Sondyqtan, tótenshe jaǵdaıǵa baılanysty kórshiles aýdanǵa kókónispen kómektesýge bel baıladym. Óıtkeni, qazirgi kezde qosymsha tabys tabýdan góri halyqtyń azyq-túlikten taryqpaǵany mańyzdy ǵoı» -deıdi sharýa qojalyǵynyń jetekshisi Vladımır Rozmetov.
