Atyraýlyq sharýa 80 keli tartatyn asqabaq ósirdi
ATYRAÝ. QazAqparat - Atyraýlyq fermer salmaǵy 80 keli tartatyn asqabaq ósirdi, dep habarlaıdy QazAqparat.
«Kóktemde tanysym amerıalyq asqabaqtyń dánin bergen edi. Eger jersinip ketse, kúzde ónimi kóńilińnen shyǵady dedi. Týra aıtqanyndaı boldy. Dánnen 3 asqabaq ónip shyqty. Mundaıdy men de sharýashylyqpen aınalysyp júrgenderdiń eshqaısysy da kórmegen. Eń úlken asqabaqyń salmaǵy 80 keliden asady. Dıametri - 1 metr. Qalǵan ekeýi odan kishirek. Degenmen olardyń da salmaǵy azdy-kem 60 keli tartady»,-dedi «Dastan» sharýa qojalyǵynyń jetekshisi Qonys Ermanov.
Atalmysh sharýa qojalyǵy kókónister men baqsha ónimderin jáne kartop ósirip qana qoımaı, mal sharýashylyǵymen de aınalysady. Qalada atalmysh sharýashylyqtyń ónimderin ótkizetin birneshe orny bar. Ádette tutynýshylar fermanyń aýlasynan jańa ákelingen ónimderdi satyp alý úshin kezekke turady.
