Atyraýlyq saqshylar kópirden sekirgen qyzdy qutqardy
Oqıǵa 12 jeltoqsan kúni túngi saǵat 22.20 shamasynda bolǵan.
«102» nómiriniń pýltine Atyraý shaǵynaýdanynda ornalasqan kópirden belgisiz adam sekirip ketkeni týraly habarlama kelip tústi. Oqıǵa ornyna jetken polıtsııa qyzmetkerleri Isataı Tursynǵalıev pen Ǵalym Qalbaev batyp bara jatqan qyzdy baıqap, dereý qutqarý áreketterine kiristi. Ǵalym Qalbaev beline arqan baılap, muzdaı sýdyń ortasyndaǵy qyzǵa bettedi. Bul kezde Isataı Tursynǵalıev saqtyq úshin arqannyń ekinshi ushyn ustap turdy. Olarǵa Mahambet Qabasov pen Quralbek Qalmaǵanbetov kómekke kelgen soń ol da sýǵa kirdi. Saqshylar qyzdy 20 mınýt ishinde jaǵaǵa shyǵardy», - dep jazady polisia.kz.
Polıtsııanyń deregi boıynsha, qutqarylǵan qyz kámeletke tolmaǵan. Alǵashqy medıtsınalyq kómek kórsetkennen keıin tártip saqshylary ony №5 emhanaǵa jetkizdi.
«Oılanýǵa ýaqyt bolmady. Mundaıda ár sát mańyzdy bolǵandyqtan, birden sýǵa kirdik. Áriptesimniń artymnan júzip kele jatqanyn ańǵardym. Biraq onyń bárin tarazylap jatatyn ýaqyt joq edi. Sýdan úsheýmiz de aman shyǵýymyz úshin barynsha jyldam qımyldaı bastadyq. Qyz muzdaı sýda kóp jatyp qalǵandyqtan, ókpesine zaqym kelýi múmkin edi. Sondyqtan dereý aýrýhanaǵa jetkizdik», - deıdi Ǵalym Qalbaev.
