Atyraýlyq prokýrorlardyń kómegimen muǵalimder ózderine tıesili 250 mln teńgeni aldy

ATYRAÝ. QazAqparat - Atyraýlyq prokýrorlar oqytýshylardyń 250 mln teńge alýyna kómektesti, dep habarlaıdy QazAqparat tilshisi.

«Bilim berý organdaryn tekserý kezinde qalalyq mektepterdiń 4 myń pedagogine jalaqysyna qosyp beriletin ústeme aqy tólenbegeni anyqtaldy. Oqytýshylarǵa tıesili ústeme aqy birneshe jyl boıy tólenbeı kelgen. Tólenbegen ústeme aqynyń jıyntyq mólsheri 250 mln teńgege jýyq. Osy ústeme aqyny tóleý úshin qala bıýdjetinen qarajat qarastyrylmaǵan. Sondyqtan prokýrorlar aralasqannan keıin jergilikti atqarýshy organ bıýdjettik ótinim ázirlep, ony máslıhat maquldady. Qazir pedagogtarǵa tıesili tólemder tolyǵymen berildi», - dep málimdedi Atyraý oblystyq prokýrorynyń aǵa kómekshisi Qanat Qabdolov.

Onyń aıtýynsha, jyl basynan beri qala prokýratýrasy 5 myńnan astam adamnyń konstıtýtsııalyq quqyn qorǵaǵan.

Avtor: A. Sokolov