Atyraýlyq polıtseıler memleketaralyq izdeýdegi Ózbekstan azamatyn ustady
ATYRAÝ. QazAqparat – Atyraýlyq polıtseıler memleketaralyq izdeýdegi Ózbekstan azamatyn ustady, dep habarlaıdy QazAqparat.
Oblystyq Polıtsııa departamenti baspasóz qyzmetinen málim etkendeı, 15 maýsymda «Mıgrant» jedel aldyn alý is-sharasy kezinde memleketaralyq izdeýdegi ózbekstandyq azamat ustalǵan.
«Atyraý qalalyq polıtsııa basqarmasynyń qyzmetkerleri 1994 jyly týǵan Ózbekstan Respýblıkasynyń azamatyn ustady. Oǵan Qaraqalpaqstan Respýblıkasy Іshki ister mınıstrligimen 2016 jylǵy 1 qańtarda Qylmystyq Kodekstiń 223-babynyń 2-bóligimen (shetelge zańsyz shyǵý nemese Ózbekstan Respýblıkasyna zańsyz kirý) qylmys jasaǵany úshin memleketaralyq izdeý jarııalanǵany anyqtaldy. Qazir sheteldik azamatty Ózbekstan Respýblıkasyna ekstradıtsııalaý máselesi qarastyrylyp jatyr» -dep habarlady departamenttiń baspasóz qyzmeti.
Eske sala ketelik, buǵan deıin Atyraýda halyqaralyq izdeýde júrgen Ózbekstan azamaty ustalǵan bolatyn.
