Atyraýlyq polıtseıler dárihanalardy tekserýde
ATYRAÝ. QazAqparat -Atyraý oblysynda esirtki zattaryn zańsyz jarnamalaý faktileri anyqtaldy, dep habarlaıdy QazAqparat tilshisi.
«Josparly aldyn alý sharasy barysynda Іshki ister departamentiniń qyzmetkerleri medıtsınalyq-profılaktıkalyq mekemeler men dárihanalardy tekserdi. Polıtseıler 6 jeke kásipkerge tıesili 13 dárihanada boldy. 6 dárihanada preparattardy retsepti boıynsha jiberýde (QR ÁQK-niń 426-babynda kózdelgen) buzýshylyqtar anyqtaldy», - dep habarlady Іshki ister departamentiniń baspasóz qyzmetinen.
Sondaı-aq «№1 Atyraý qalalyq emhanasy» QMK-da lıtsenzııalaý normalarynyń buzylýy anyqtaldy. Budan bólek, «morfın» esirtkilik preparatynyń paıdalanylǵan ampýlalary joıylmaǵan bolyp shyqty. Ákimshilik hattama toltyryldy.
«Reıd barysynda esirtkilik zattardy zańsyz jarnamalaý jáne nasıhattaýdyń 2 faktisi tirkeldi. Jınaqtalǵan materıaldar ІІD-niń Aqparattardy esepke alý kitabyna tirkelip, QR Densaýlyq saqtaý mınıstrligi Farmatsııa komıteti Atyraý oblysy boıynsha departamentine joldandy», - delingen taratylǵan habarlamada.
Esirtki zattaryn zańsyz jarnamalaý faktileri anyqtalǵan emdeý mekemeleri QR ÁQK-niń 423- babyna sáıkes jaýapkershilikke tartyldy.
