Atyraýlyq polıtseıler balyq urlaǵandardy ustady
ATYRAÝ. QazAqparat - Atyraýlyq polıtseıler balyq urlaǵandardy qolǵa túsirdi, dep habarlaıdy QazAqparat tilshisi.
«Atyraýlyq polıtsııa departamenti sırek kezdesetin balyqtardyń zańsyz aınalymyna tosqaýyl qoıý jumystaryn jalǵastyrýda. Bekireniń bel kespesin kólikke tıep, Atyraý qalasyna ótpekshi bolǵan eki azamatty uıymdasqan qylmysqa qarsy kúres basqarmasynyń qyzmetkerleriqolǵa túsirdi. «Lada-Granta» avtokóliginiń júksalǵyshynan tabylǵan eki jol sómkesi balyqqa lyq toly bolyp shyqty. Tárkilengen ónimniń salmaǵy 38 keli», - dep habarlady oblystyq ishki ister departamenti.
Aıta ketken jón, qazir Isataı aýdanynyń azamattary ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysqany úshin qylmystyq jaýapkershilikke tartylyp, (QR QK 339 b.) sotqa deıin tergep-tekserý jumystary júrgizilýde.
