Atyraýlyq polıtseı páterge balkon arqyly kirip, 7 jasar qyzdy qutqaryp qaldy

ATYRAÝ. QazAqparat - 13 sáýirden 14-ne qaraǵan túni qalalyq polıtsııa bóliminiń 102 operatoryna túngi ýaqytta belgisiz azamatsha qyzynyń úıde kilttenip, qalyp qoıǵany týraly qońyraý shalǵan, dep habarlaıdy QazAqparat Polisia.kz saıtyna silteme jasap.

Belgili bolǵandaı, úı ıesi azyq-túlik alýǵa shyǵyp ketip, keri kire almaı qalǵan. Úıinde qalyp qoıǵan jeti jastaǵy qyzymen baılanysa almaǵan. Dál sol ýaqytta azamatsha kógildir otynǵa tamaq pisirip, ony qosýly qaldyrǵan.
– Eshqandaı amalym bolmaǵan soń aldymen Tótenshe jaǵdaı qyzmetkerlerine habarlastym, biraq olar maǵan túngi ýaqytta balkon arqyly kire almaıtynyn, ol úshin qosymsha quraldarynyń joq ekendikterin jetkizdi. Al meniń úıimniń esigin buzý múmkin emes edi. Sol sátte polıtsııa qyzmetkeri kelip oılanbastan, eshqandaı qorǵaý quraldarynsyz tórtinshi qabattan úshinshi qabatqa túsip, dereý áreketke kóshti. Polıtsııa qyzmetkeri bolmasa ne bolaryn bilmeımin. Qyraǵy ári jedel qyzmeti úshin Atyraý qalalyq Polıtsııa bólimi kámeletke tolmaǵandar isteri jónindegi ýchaskelik polıtsııa ınspektory Álibek Qaıyrǵalıevke otbasymnyń atynan alǵys bildiremin, – dedi qutqarylǵan jasóspirimniń anasy.