Atyraýlyq paradzıýdoshy Japonııada chempıon boldy
ATYRAÝ. QazAqparat - Búgin Japonııa astanasy Tokıo qalasynda paradzıýdodan Halyqaralyq týrnır ótti. Oǵan 15 el ókilderi qatysty, dep habarlaıdy QazAqparat.
81 keli salmaqta atyraýlyq sportshy Temirjan Dáýlet synǵa túsip, chempıon atandy. Ol alǵashqy kezdesýinde Ulybrıtanııalyq Bredlı Kamerondy, ekinshi kezdesýinde taǵy bir brıtandyq Paýel Danıeldi utty. Aqtyq synda Frantsııa sportshysy Petıt Nazandy qylǵyndyrý ádisimen tize búktirdi.
«Temirjan bul Halyqaralyq týrnırge salmaq qýmaı, aýyr salmaqta kúresti. Soǵan qaramastan fınalda álem chempıonatynyń qola júldegeri Petıt Nazandy senimdi jeńdi. Halyqaralyq týrnır aldynda Grýzııa elinde oqý-jattyǵý jıyndaryn ótkizgen bolatynbyz. Sonyń arqasynda jaqsy daıyndyqpen shyqtyq», - deıdi aǵa jattyqtyrýshy Jandos Qııanov.
Aıta ketý kerek, Temirjan 73 keli salmaqta Parazıada oıyndarynyń qola júldegeri.
