Atyraýlyq paradzıýdoshy halyqaralyq týrnırde «altyn» aldy
Atyraý oblystyq Dene shynyqtyrý jáne sport basqarmasynyń baspasóz qyzmetinen málim etkendeı, 10-11 jeltoqsan kúnderi Japonııada paradzıýdodan «TOKYO OPEN» halyqaralyq týrnıri ótti.
«Atalǵan halyqaralyq týrnırdiń qazaqstandyq paradzıýdoshylar úshin mańyzy erekshe bolǵanyn atap ótken jón. Óıtkeni, mundaı halyqaralyq týrnırde 2024 jyly Parıjde ótetin paralımpıada oıyndaryna reıtıngilik upaı sarapqa túsedi. Bul joly da solaı boldy. Al reıtıngilik upaı týrnır jeńimpazy men júldegerleri reıtıngin kóterý úshin qajet», - dep habarlady basqarmanyń baspasóz qyzmetinen.
«TOKYO OPEN» halyqaralyq týrnırinde J1 sanaty boıynsha +90 keli salmaqta baq synaǵan Erlan Ótepov qarsylas shaq keltirmeı, altyn medalǵa ıe boldy. Al Tokıo paralımpıadasynyń kúmis júldegeri 60 keli salmaqtaǵy Ánýar Sarıev J2 sanatynda qol júlde ıelendi.
Eske sala ketelik, budan buryn atyraýlyq paradzıýdoshy Amanjol Janbota Túrkııanyń Antalııa qalasynda ótken Gran-Prı saıysynda jeńimpaz atanǵanyn habarlaǵan bolatynbyz[a1] .