Atyraýlyq paradzıýdoshy Gran Prı týrnıriniń qola júldesin ıelendi
ATYRAÝ. QazAqparat – Atyraýlyq paradzıýdoshy Ánýar Sarıev Gran Prı týrnıriniń qola júldesin ıelendi, dep habarlaıdy QazAqparat.
Keshe, 25 mamyrda Ázerbaıjan Respýblıkasynyń astanasy – Baký qalasynda paradzıýdodan Gran Prı týrnıri bastaldy.
Oǵan 38 elden 187 sportshy Paralımpıada oıyndarynyń joldamasyn sarapqa salyp jatyr.
Oblystyq sport jáne dene shynyqtyrý basqarmasy baspasóz qyzmetiniń aqparatyna qaraǵanda, atyraýlyq pradzıýdoshy Ánýar Sarıev qola júldeni ıelengen.
«Ánýar Sarıev 60 keli salmaqta irikteý kezeńinde Ázerbaıjan men Mońǵolııa balýandarynan basym tústi. Al, jartylaı fınalda ózbek balýanynan utylyp qaldy. Qola júlde úshin talasta Aljır sportshysyn qapy qaldyrdy» dep habarlady basqarmanyń baspasóz qyzmeti.
Eske sala ketelik, budan buryn atyraýlyq palýan álem kýboginiń ıegeri atanǵan edi.
