Atyraýlyq palýan álem chempıonatynyń kúmis júldegeri atandy
ATYRAÝ. QazAqparat – Atyraýlyq palýan Erkebulan Qýanǵalıev jaýyngerlik sambodan álem chempıonatynyń kúmis júldegeri atandy, dep habarlaıdy QazAqparat.
Sambomen biraz jyldan beri aınalysatyn Erkebulan Qýanǵalıev Serbııa Respýblıkasynyń Novı-Sad qalasynda jalaýyn kótergen álemdik dodada 52 keli salmaqta baq synady. Bul saıysqa álemniń 30 elinen 400-den astam palýan qatysýda.
Halyqaralyq dodada el namysyn qorǵaǵan atyraýlyq sportshy irikteý kezeńinde cheh palýanynan basymdyǵyn aıqyn tanytqan edi. Jartylaı fınaldy ıspan sportshysyn qapy qaldyrdy. Alaıda, altyn medalǵa qol sozym qalǵanda onyń jolyn Reseı sportshysy kesti. Sóıtip, atyraýlyq palýan Erkebulan Qýanǵalıev jaýyngerlik sambodan eresekter arasynda álem chempıonatynyń kúmis júldesine ıe boldy.
Eske sala ketelik, buǵan deıin atyraýlyq samboshy Abylaıhan Meırambekuly jastar arasynda álem chempıony atanǵanyn habarlaǵan bolatynbyz.
