Atyraýlyq otbasylar «Jas otaý» baǵdarlamasy boıynsha baspanaly bolady
ATYRAÝ. QazAqparat - Atyraýlyq júzdegen otbasy «Jas otaý» baǵdarlamasy aıasynda úı alatyn boldy, dep habarlaıdy QazAqparat.
«Bizdiń oblysymyzda «Jas otaý» baǵdarlamasy jyl ótken saıyn jandanyp keledi. 2015 jyly óńirde atalmysh baǵdarlama boıynsha 90 páter berilgen. Al bıylǵy jyly 120 otbasy baspanaly boldy. Osy ýaqytta 100 páterli taǵy bir turǵyn úıdiń qurylysy júrip jatyr»,-dep habarlady óńirlik kommýnıkatsııalar qyzmetinde Atyraý oblysynyń jastar saıasaty máseleleri jónindegi basqarma jetekshisi Rollan Quspan.
Memlekettik baǵdarlama boıynsha páterlerdi tek oblys ortalyǵyndaǵy jas otbasylar ǵana emes, aýdan turǵyndary da alady.
«Qazirgi tańda Atyraýda 72 páterlik turǵyn úıdiń, Jylyoı aýdanynyń ortalyǵynda 100 páterli 5 qabatty úıdiń, Inder aýdanynyń ortalyǵyndaǵy 50 páterge arnalǵan 5 qabatty úıdiń, Mahambet aýdanynnyń ortalyǵynda 30 úshpáterli úıdiń joba-smetalyq qujattary daıyndalýda»,-dedi R.Quspan.
Oblysta «Jas otaý» baǵdarlamasyna qatysýǵa barlyǵy 2 myńǵa jýyq jas otbasy ótinish berdi.
