Atyraýlyq oqýshylardyń ǵylymı jumysy halyqaralyq jınaqqa endi
ATYRAÝ. QazAqparat –Atyraýdaǵy Nazarbaev Zııatkerlik mektebiniń oqýshylary usynǵan ǵylymı jumys V.Kýrbatov atyndaǵy oqýshylardyń halyqaralyq ǵylymı eńbekter jınaǵyna endi, dep habarlaıdy QazAqparat.
Atalǵan mekteptiń 8-synyp oqýshylary Dilnaz Múbarak pen Ázıza Abatova Reseı Federatsııasynda qashyqtan ótken «Hımııa: ǵylym men óner» atty ǵylymı-jobalar konkýrsyna «Apelsın qabyǵynan tyńaıtqysh ázirleý» taqyrybyndaǵy zertteý jumysyn usynǵan. Nátıjesinde ǵylymı eńbek reseılik qazylar alqasynyń joǵary baǵasyn alyp, Ázıza men Dilnaz úshinshi dárejeli dıplom men sertıfıkatqa ıe bolǵan.
«Atyraýlyq oqýshylardyń ǵylymı jańalyǵy V.Kýrbatovtyń 142 jyldyǵyna oraı jaryq kórgen halyqaralyq ǵylymı eńbekter jınaǵyna engizildi. Sankt-Peterbýrg memlekettik tehnologııalyq ınstıtýtynda oqýshylardyń eńbegi jarııalanǵan ǵylymı jınaq sertıfıkaty onlaın túrde tabystaldy. Buǵan deıin Ázıza Abatova men Dilnaz Múbaraktyń atalǵan ǵylymı-zertteý jobasy oqýshylardyń respýblıkalyq «Zerde» ǵylymı-zertteý jumystary men shyǵarmashylyq jobalar baıqaýynda bas júldege ıe boldy» -dep habarlady Nazarbaev Zııatkerlik mektebiniń baspasóz qyzmeti.
