Atyraýlyq oqýshylar halyqaralyq bilim olımpıadasynan jeńispen oraldy
ATYRAÝ. QazAqparat – Atyraýlyq oqýshylar halayqaralyq bilim Olımpıadasynan jeńispen oraldy, dep habarlaıdy QazAqparat.
Atyraýdaǵy «Talanttardy anyqtaý jáne qoldaý» ortalyǵynyń dırektory Rýslan Sarbalınniń aıtýynşa, «Bilim-Innovatsııa» lıtseı-ınternatynyń eki oqýshysy matematıka jáne fızıka pánderinen ótken halyqaralyq olıpıadaǵa qatysqan.
«1959 jyly bastaý halyqaralyq matematıka páni olımpıadasy 14-25 shildede Reseı Federatsııasynda ótti. Oǵan «Bilim-Innovatsııa» lıtseı-ınternatynyń 11-synyp oqýshysy Aıbek Myrzataı qatysyp, birinshi júldeni – altyn medaldy jeńip aldy. Al, 1967 jyldan beri ótetin halyqaralyq fızıka olımpıadasyn Lıtva Respýblıkasy uıymdastyrdy. Bul olımpıadada atalǵan lıtseı-ınternattyń 10-synyp oqýshysy Rızabek Alpamys ekinshi júlde – kúmis medaldy ıelendi» -deıdi Rýslan Sarbalın.
Oblys ákimi Mahambet Dosmuhambetov halyqaralyq bilim dodasynan jeńispen oralǵan oqýshylardy qabyldap, ata-anasy men ustazdaryna alǵys aıtty.
«Atyraýda daryndy balalardy anyqtap, olarǵa qoldaý kórsetý úshin keshendi sharalar júzege asyrylyp keledi. Qazir óńirde daryndy balalarǵa arnalǵan 7 bilim ordasy bar. Solardyń biri – «Bilim-Innovatsııa» lıtseı-ınternaty. Sapaly bilim alyp, halyqaralyq olımpıadada el abyroıyn bıikke kótergen shákirtterge árdaıym qoldaý jasalady» -dedi Mahambet Dosmuhambetov.
Eske sala ketelik, buǵan deıin Atyraýda 11-synyp oqýshysy órt sóndirýshilerge arnalǵan mobıldi qosymsha oılap tapqanyn jazǵan bolatynbyz.
