Atyraýlyq oqýshy Shrı-Lankadan kúmis medalmen oraldy
ATYRAÝ. QazAqparat - Atyraýdaǵy Nazarbaev Zııatkerlik mektebiniń 11-synyp oqýshysy Dılıara Ǵabıtova Shrı-Lankada ıýnıorlar arasynda ótken Azııa chempıonatynda shahmattan kúmis medalǵa ıe boldy, dep habarlaıdy QazAqparat.
Saıysta Zııatkerlik mektep ókili blıts, rapıd jáne klassıka sanatynda keremet nátıje kórsetti. Dılıara Ǵabıtovanyń qorjynynda alys-jaqyn shet elderdegi týrnırlerden medaldar kóp. Ol 2018 jyly Pragada jas shahmatshylar arasynda ótken dodada birinshi oryndy ıelendi. Qazirgi tańda atyraýlyq oqýshy shahmattan sport kandıdattyǵyna úmitker.
Asian Chess Championship - 2019 halyqaralyq baıqaýynda álemniń 23 memleketinen 572 oıynshy baq synady. 18 jasqa deıingi Azııa chempıonaty Shrı-Lankanyń Kalýtara qalasynda ótken.
«Men bir kezderi shahmat oınaýdy doǵarǵym kelgen. Biraq ákem sporttyń bul túrinen qol úzbe deıtin. Ol meniń shahmat oıyndarynda úlken jetistikterge jetetinime sendi. Qazir oılasam, ákem durys aıtqan eken. Ókinishke oraı ol meniń jeńisterimdi kórmeıdi, sebebi qasymda emes. Sondyqtan men ár jańa jeńisimdi ákemniń rýhyna arnaımyn», - deıdi shahmatshy qyz. 
