Atyraýlyq oqýshy halyqaralyq STEM olımpıadasynyń kúmis medaline ıe boldy
Oblystyq bilim basqarmasynyń baspasóz qyzmetinen málim etkendeı, atalǵan bilim saıysynda 95 elden 7 695 oqýshy baq synaǵan.
«Úsh baǵytty qamtyǵan halyqaralyq STEM olımpıadasy eki kezeńmen ótti. Birinshi kezeńinen ótken oqýshylar aqtyq synǵa onlaın formatta qatysty. Atyraýdaǵy «Bilim-Innovatsııa» lıtseı-ınternatynyń 11-synyp oqýshysy Ádil Sultanov halyqaralyq STEM olımpıadasyna qatysyp, ekinshi oryndy ıelendi. Ol 7-synyptan beri ınformatıka páninen túrli olımpıadaǵa qatysyp júr. Buryn respýblıkalyq bilim saıysynan kúmis, halyqaralyq olımpıadadan qola medalge ıe bolyp, Eýrazııalyq dodanyń eki márte jeńimpazy atanǵan», -dep habarlady basqarmanyń aspas.
Eske sala ketelik, budan buryn atyraýlyq jas bıshiler halyqaralyq konkýrstyń júldesin ıelengenin jazǵan edik.