Atyraýlyq oqýshy AQSh-taǵy bedeldi ýnıversıtettiń grantyn utyp aldy
ATYRAÝ. QazAqparat – Atyraý qalasyndaǵy Nazarbaev Zııatkerlik mektebiniń 12 synyp oqýshysy Baqyt Óteýlıeva AQSh-taǵy bedeldi ýnıversıtettiń grantyn utyp aldy, dep habarlaıdy QazAqparat.
Hımııa-bıologııa baǵytynda bilim beretin oqý ordasynyń baspasóz qyzmeti taratqan málimetke súıensek, mektep oqýshysy AQSh-tyń Nıý-Iork shtatynda ornalasqan Kornell ýnıversıtetin tańdaǵan.
«Bul – álemdegi eń iri ári bedeldi ýnıversıtettiń biri. Segiz jekemenshik ýnıversıtetten quralǵan áıgili «Shyrmaýyqtar lıgasyna» kiredi. Sol sebepten, osy oqý ordasynan tamaq ónerkásibi salasynda joǵary bilim alýdy kózdedim» -deıdi Baqyt Óteýlıeva.
Onyń aıtýynsha, joǵary oqý ornyn tańdaýda birneshe sebepke nazar aýdarǵan. Birinshisi – oqý orny usynatyn baǵdarlamalar men múmkindikter. Ekinshisi – bolashaq mamandyǵyna qatysty oqytý ádisi.
«Óıtkeni, maǵan tek sapaly bilim ǵana emes, tulǵa retinde qalyptasý kerek. Sondaı-aq, óz qabiletimdi jetildirip, keıin jumysqa ornalasýdyń mańyzy qor. Osy turǵydan aıtqanda, Kornell ýnıversıteti taǵam ónerkásibi salasyna bilikti mamandar daıyndaıtyn úzdik oqý oryndarynyń birinen sanalady. Bul ýnıversıtette stýdentterdiń óz áleýetin tolyq jetildirýge barynsha jaqsy jaǵdaı jasalǵan», - deıdi bıyl mektep bitirgeli otyrǵan oqýshy.
Eske sala ketelik, budan buryn atyraýlyq oqýshylar Telegram-da kitaphana ashqan bolatyn.
