Atyraýlyq notarıýstar aýrýhanaǵa ottegi kontsentratoryn syılady
ATYRAÝ. QazAqparat – Atyraý oblysynyń notarıýstary Jylyoı aýdandyq aýrýhanasyna ottegi kontsentratoryn syılady, dep habarlaıdy QazAqparat.
Atyraý oblystyq Notarıattyq palatasy men jeke notarıýstar demeýshilik kómekpen Jylyoı aýdandyq ortalyq aýrýhanasyna «ARMED 7F-5L» markaly ottegi kontsentratoryn alyp berdi.
«Elimizde osyndaı jomart jandardyń baryna kóp rahmet. Qol ushyn sozyp, demeýshilik bildirgen Atyraý oblystyq Notarıattyq palatasynyń tóraıymy Gúlnár Masatovaǵa, sondaı-aq, barlyq jeke notarıýstqa alǵysymyzdy bildiremiz. Ottegi kontsentratorynyń indetqa shaldyqqan azamattardyń tezirek saýyǵyp, otbasyna aman-esen oralýyna septigi tıedi», - deıdi Jylyoı aýdandyq ortalyq aýrýhanasynyń dırektory Nurbek Úkibaev.
Eske sala ketelik, budan buryn Atyraýda sportshy aýrýhanaǵa alǵashqy ottegi kontsentratoryn alyp bergen edi.
