Atyraýlyq muǵalimdi óltirgen kúdikti qamaýǵa alyndy
ATYRAÝ. QazAqparat - Atyraý qalalyq №2 sotynyń tergeý sýdıasy qaladaǵy №16 orta mektebi muǵalimin óltirgen kúdiktige qatysty tergeýshiniń ótinishin qabyl alyp, eki aıǵa qamaýǵa alyndy, dep habarlaıdy «QazAqparat» HAA tilshisi.
Eske sala keteıik, 5 qańtar kúni Avangard móltekaýdanyndaǵy №16 orta mektebinde dene shynyqtyrý páni muǵaliminiń máıiti tabyldy. 1960 jyly týǵan er kisiniń zorlyqpen óltirilgen izderi tabyldy. Qylmysty jasady degen kúdikpen bilim ordasynda ári kúzetshi, ári santehnık retinde jumys jasaıtyn 49 jastaǵy er kisi ustaldy.
Tergeý nusqalary boıynsha, qylmys spırttik ishimdikterdi birge otyryp ishý barysynda jasalǵan. Kúdiktige qatysty Qazaqstan Respýblıkasy Qylmystyq kodeksiniń 99-baby (Adam óltirý) boıynsha sotqa deıingi tergeý jumystary bastaldy.
«Eki aıǵa qamalǵan kúdikti tergeý barysynda Tergeý oqshaýlaǵyshynda bolady» degen aqparat berdi №2 qalalyq sotynyń baspasóz qyzmeti.
