Atyraýlyq muǵalimderge arnalǵan jańa basylym jaryq kórdi

Quryltaıshy - Atyraý oblysy bilim berý qyzmetkerleriniń kásibı odaǵy, dep habarlaıdy «QazAqparat» HAA tilshisi.

 «Bizdiń gazet aıyna eki ret shyǵyp turady. QR Bilim jáne ǵylym mınıstrligi qabyldaıtyn jańa jobalar men baǵdarlamalardyń kóptigi sonsha, muǵalimder qajetti aqparatty alyp úlgermeıdi.  Sabaq berý tásilderi ózgeredi, balalarmen jumys isteýdiń jańa túrleri paıda bolady. Osynyń bárin mektep muǵalimderi men balabaqsha tárbıeshileri jáne kolledj oqytýshylary jańa gazet betinen  oqı alady», - deıdi «QR bilim berý jáne ǵylym qyzmetkerleri kásibı odaǵynyń Atyraý oblystyq fılıaly» qoǵamdyq birlestiginiń tóraǵasy Qılymǵalı Qaınenov.

Jaqyn kúnderi gazet baspa jáne elektrondy túrde óz oqyrmanyna jetedi.