Atyraýlyq mýaı-taıshylar Meksıkada ótken álem chempıonatynan júldeli oraldy
ATYRAÝ. QazAqparat - 13-19 mamyr aralyǵynda Meksıka eliniń Kankýn qalasynda Mýaı-taı sportynan álem chempıonaty ótti. Bul álemdik dodada Qazaqstan Ulttyq quramasy sapynda úsh atyraýlyq sportshy el namysyn qorǵady, dep habarlaıdy QazAqparat tilshisi.
Atyraý oblysy dene shynyqtyrý jáne sport basqarmasynyń baspasóz hatshysy Іlııas Shaıhıevtiń aıtýynsha, jalpy álem chempıonatynda Qazaqstan quramasy 1 kúmis jáne 6 qola medalǵa ıe boldy. Onyń 1 kúmisi men 1 qolasyn atyraýlyq sportshylar ıelenip otyr.
51 keli salmaqta Elaman Saıasatov aqtyq synǵa deıin jetip, kúmis júldeger atandy. Fınalda Elamannyń qarsylasy taılandtyq sportshy boldy. Qos qarsylastyń bul tórtinshi kezdesýi, olar barlyq álemdik dodalardyń aqtyq synynda jolyǵyp kele jatqanyn aıta ketý kerek.
60 kelide Işan Galıev qola júldege ıe boldy. Ol osy salmaqta chempıon atanǵan Reseılik sportshydan jartylaı fınalda utylǵan bolatyn.
Aıta ketelik, sportshylarymyz 2017 jyly Mınskide jáne 2016 Shvetsııada ótken álemdik dodada osy nátıjeni kórsetken bolatyn.
