Atyraýlyq Manap Qabdıev álemniń úzdik tóreshisi atandy
ATYRAÝ. QazAqparat – Atyraýlyq Manap Qabdıev álemniń úzdik tóreshisi atandy, dep habarlaıdy QazAqparat.
Birikken Arab Ámirliginde ótken álem chempıonatynda IMMAF halyqaralyq aralas jaýyngerlik jekpe-jek federatsııasy 2021 jyldy qorytyndylap, álemniń eń tańdaýly sportshylary men tóreshilerin anyqtaǵan bolatyn.
«Atyraýlyq tóreshi Manap Qabdıev «Jyldyń úzdik tóreshisi» atalymynda úzdik dep tanyldy. Ol 2014 jyly WMMAA sanatynda halyqaralyq dárejedegi tóreshi atanǵan edi.
Sondaı-aq, 2019 jyly IMMAF sanaty boıynsha halyqaralyq dárejedegi tóreshi ataǵyna
ıe boldy. Álemniń Belarýs, Ázerbaıjan, Tájikstan, Chehııa, Ońtústik Koreıa, Reseı, Makao, Bahreın, Bolgarııa sekildi elderinde ótken chempıonattardaǵy jekpe-jekterge tóreshilik etti», - dep habarlady oblystyq sport jáne dene shynyqtyrý basqarmasynyń baspasóz qyzmeti.
Eske sala ketelik, buǵan deıin «Atyraý» fýtbol klýbynyń quramyna reseılik oıynshy
qosylǵanyn jazǵan bolatynbyz.
