Atyraýlyq qutqarýshylar men órt sóndirý qyzmeti jańa tehnıkaǵa ıe boldy
ATYRAÝ. QazAqparat – Jańa jyl merekesi qarsańynda atyraýlyq qutqarýshylar men órt sóndirý qyzmeti jańa tehnıkaǵa ıe boldy, dep habarlaıdy QazAqparat.
«Park 25 arnaıy tehnıkamen tolyǵady. Respýblıkalyq bıýdjet esebinen bes avtotsısterna alyndy. Onyń úsheýin aýdandarǵa jiberdik, ekeýi oblys ortalyǵynda qaldy. Taǵy 20 tehnıka respýblıkalyq jáne oblystyq bıýdjet esebinen alyndy. Olar - avtotsısterna, baılanys pen elektr jaryǵyn retteıtin mashına, medıtsınalyq kınologııalyq qyzmetke arnalǵan kólik, jolsyz jerler men omby qar kezinde júrip ótý jyldamdyǵy joǵary arnaıy tehnıka. Bul tehnıkalar qutqarýshylar men órt sóndirýshilerge keler jyldyń basynda beriledi», - dep habarlady Atyraý oblystyq TJD baspasóz qyzmeti.
