Atyraýlyq qutqarýshylar dosyn ajaldan qutqarǵan jigitke alǵys bildirdi
ATYRAÝ. QazAqparat – Atyraýlyq qutqarýshylar dosyn ajaldan qutqarǵan jigitke alǵys bildirdi, dep habarlaıdy QazAqparat.
«Atyraý-Aqparat» JShS-niń eki qyzmetkeri 24 jeltoqsanda Jaıyq ózeninde vıdeo túsirgen. Túsirilim aıaqtalǵan kezde muz oıylyp, eki jigittiń biri abaısyzda sýǵa túsip ketken. Áriptesiniń sýǵa batqanyn baıqaǵan Salaýat Kojyqov birden kómekke umtylǵan.
«Mundaı kezde aldymen úreıge boı aldyrmaı, sabyr saqtaý kerek. Paltomdy sheship, sosyn muz ústimen enbektep jettim. Dosymdy sýdan shyǵaryp, Atyraý qalalyq polıtsııa basqarmasynyń №86 statsıonarlyq beketine jetkizdim. Polıtsııa qyzmetkerleri zardap shekken dosyma alǵashqy kómek kórsetip, jedel járdem shaqyrdy», deıdi Salaýat Qojyqov.
Búgin, 29 jeltoqsanda oblystyq tótenshe jaǵdaılar departamentinde dosyn sýdan qutqarǵan Salaýat Qojyqovqa batyldyǵy úshin Alǵys hat men arnaıy syılyq tapsyryldy.
«Kez kelgen adam qınalǵan janǵa kómek qolyn soza bermeıdi. Qasyndaǵy dosyn ajaldan qutqarǵan Salaýat Qojyqovtyń batyldyǵy ár adamǵa úlgi bolýy kerek. Departament ujymy atynan batyl azamatqa alǵys bildiremiz», -deıdi departament bastyǵynyń orynbasary, polkovnık Asqat Erjanov.
Eske sala ketelik, budan buryn atyraýlyq qutqarýshylar Qyzyl kitapqa engen birqazandy aman alyp qalǵanyn jazǵan edik.
