Atyraýlyq qol kúresiniń sheberleri álem chempıonatynyń júldegeri atandy
ATYRAÝ. QazAqparat – Atyraýlyq qol kúresiniń sheberleri álem chempıonatynyń júldegeri atandy, dep habarlady QazAqparat.
Oblystyq sport jáne dene shynyqtyrý basqarmasynyń baspasóz qyzmetinen málim etkendeı, 28-30 qarashada Rýmynııa Respýblıkasynyń astanasy – Býharest qalasynda para-qol kúresinen álem chempıonaty ótken.
«Álem chempıonatyna 44 memlekettiń úzdik sportshylary synǵa tústi. Qazaqstan Respýblıkasynyń namysyn qorǵaǵan qurama komandasy sapyndaǵy atyraýlyq 2 sportshy 2 kúmis jáne 1 qola medalǵa ıe boldy. Atap aıtqanda, áıelder arasyndaǵy aýyr salmaqta Ásııa Nábıeva oń jáne sol qol kúresinen eki kúmis júldeni ıelendi. Erler arasynda 90 kelide baq synaǵan Aslan Qaıroshev oń qol kúresinen qola júldeger atandy» -dep habarlady basqarmanyń baspasóz qyzmeti.
Eske sala ketelik, buǵan deıin atyraýlyq polıtsııa ınspektory qoıan-qoltyq urystan álem kýboginiń ıegeri atanǵanyn jazǵan edik.
