Atyraýlyq kıkboksshy Qazaqstannyń 8 dúrkin chempıony atandy
ATYRAÝ. QazAqparat - Atyraýlyq sportshy Sálimjan Sálimgereev Qazaqstannyń 8 dúrkin chempıony atandy, dep habarlaıdy QazAqparat tilshisi.
Jýyrda Óskemen qalasyndaǵy «Jekpe-jek» saraıynda kıkboksıngtan jastar arasyndaǵy Qazaqstan chempıonaty máresine jetti. Bes kúnge sozylǵan el birinshiligide Qazaqstannyń barlyq óńirlerinen myqty degen sportshylar jınalyp, álem chempıonatyna joldamany sarapqa saldy.
Atyraý oblysy dene shynyqtyrý jáne sport basqarmasynyń baspasóz hatshysy Іlııas Shaıhıevtyń aıtýynsha, Mereke Ryspaev bastaǵan Atyraý oblysy jastar quramasy 1 altyn, 1 kúmis jáne 1 qola medal enshiledi. Osy básekede Sálimjan Sálimgereev qarsylastarynyń barlyǵyn tize búktirip, 8 dúrkin Qazaqstan chempıony atandy. Dıana Jumaǵazıeva kúmis júlde ıelense, Aıan Shambolov qola medalǵa qol jetkizdi.
Endi qyrkúıek aıynda ótetin jastar men jasóspirimder arasyndaǵy kıkboksıngten álem chempıonatynda el namysyn Sálimgereev Sálimjan qorǵaıtyn bolady.
Avtory: Abaı ABYLAIULY
