Atyraýlyq kıkboksshy álem kýbogin ekinshi ret ıelendi
ATYRAÝ. QazAqparat – Atyraýlyq kıkboksshy álem kýbogin ekinshi ret ıelendi, dep habarlaıdy QazAqparat.
Oblystyq sport jáne dene shynyqtyrý basqarmasy baspasóz qyzmetiniń málimetinshe, 15-19 qyrkúıekte Majarstanda kıkbokstan álem kýbogi ótken.
«Býdapesht qalasynda HHVІ ret jalaýy jelbiregen álem kýbogi saıysyna 45 elden 3 000-nan astam sportshy qatysty. Bul dodada Atyraý oblysynan baq synaǵan sportshylar 5 medaldy ıelendi. Sportshylarymyzdyń enshisinde 2 altyn, 1 kúmis jáne 2 qola medal bar. Máselen, 67 kelide el namysyn qorǵaǵan Azamat Ótemisov álem kýbogin ekinshi ret ıelendi. Al, 51 kelide qarsylastarynan basymdyq tanytqan Nursultan Jumabaev altyn medaldy jeńip alyp, álem kýboginiń ıegeri atandy. Al Roman Zýbarıev (51 keli) kúmis, 57 jáne 67 kelide synǵa túsken Janálı Sálimgereı men Serikjan Sálimgereev qola medalǵa ıe boldy», - dep málim etti basqarmanyń baspasóz qyzmetinen.
Eske sala ketelik, budan buryn qazaqstandyq djıý-djıtsý sportshysy Azııanyń úsh dúrkin chempıony atanǵanyn habarlaǵan edik.
