Atyraýlyq kásiporyn tótenshe jaǵdaıǵa 10 mln teńge bóldi

ATYRAÝ. QazAqparat –Atyraý oblysynda «NefteStroıServıs» JShS tótenshe jaǵdaı kezinde turǵyndardy dári-dármekpen, azyq-túlik túrlerimen qamtamasyz etýge 10 mıllıon teńge bóldi, dep habarlaıdy QazAqparat.

Bul týraly seriktestik dırektory Beket Ospanov málim etti.

Onyń aıtýynsha, seriktestik basshylyǵy Elbasy Úndeýin qoldap, halyqtyń densaýlyǵynsaqtaý úshin dári-dármekter men azyq-túlikter satyp alýǵa qarjylaı kómek berýdi kózdegen. Sebebi, búgingideı kúrdeli kezeńde memleketke, elge qoldaý kórsetilýi tıis.

«Biz «bir jaǵadan bas, bir jeńnen qol shyǵarsaq» ǵana bul synaqtan aman-esen óte alamyz. Qazir halyqqa eń qajettisi – áleýmettik mańyzy bar azyq-túlik pen dári-dármek. Osyǵan oraı, biz kásiporyn esebinen 10 mıllıon teńge bólip otyrmyz. Óıtkeni, eldiń eldigi de, birligi de osyndaı kezde tanylady» - deıdi «NefteStroıServıs» JShS dırektory Beket Ospanov.