Atyraýlyq kásipkerler jarymjan áıelge páter syılady
ATYRAÝ. QazAqparat - Atyraýlyq kásipkerler naýqas áıelge páter syılady, dep habarlaıdy QazAqparat.
Dınara Ertileýova esimdi atyraýlyq áıeldiń júregi men ókpesi aıyqpas dertke shaldyqqan jáne ol tek transplantatsııa jasaý arqyly ǵana ońala alady.
Áıel balasyn jalǵyz ózi ósirip jatyr. Ol buǵan deıin páter jaldap turyp kelgen. 2011 jyldan beri múgedektigine baılanysty turǵyn úı kezeginde turǵan. Bıyl shilde aıyndaǵy jaǵdaı boıynsha ol 4307-inshi kezekte.
Dınaranyń aýyr jaǵdaıy týraly bilgen Atyraý oblysy kásipkerler palatasynyń óńirlik keńesi naýqas áıelge qala ishinen páter tartý etý týraly sheshim shyǵarǵan.
«Bizder, kásipkerler, ózimizdiń áleýmettik jaýapkershiligimizdi sezine otyryp, muqtaj jandarǵa kómek qolyn sozýǵa tıispiz. Sol sebepti biz «Atamekenim» aktsııasyna atsalysyp otyrmyz», - deıdi kásipkerler palatasynyń óńirlik keńesiniń basshysy Álııa Bekqojaeva.
