Atyraýlyq kásipkerler azyq-túlik jármeńkesinde baǵany ósirip jibergen
ATYRAÝ. QazAqparat - Atyraýdaǵy reıdtik is-sharalar nátıjesinde aýylsharýashylyq jármeńkesine qatysýshy 19 kásipkermen kelisimshart buzyldy, dep habarlaıdy QazAqparat tilshisi.
Atyraý qalasynyń ákimi Alımuhammed Quttumuratulynyń tapsyrmasymen qalalyq kásipkerlik bólimi reıdtik is-sharalar ótkizip, negizgi 19 ónim túriniń baǵa turaqtylyǵy tekserildi. Kásipkerlerdi tekserý nátıjesinde keıbir aýylsharýashylyq ónimderiniń baǵasy negizsiz ósirilgeni anyqtaldy.
«Jergilikti turǵyndardyń Saraıshyq qalalyq bazarynda baǵa qymbattaýyna baılanysty shaǵymdary boıynsha Atyraý qalasynyń ÁKK men qalalyq kásipkerlik bóliminiń mamandary birlesip, jumys tobyn qurdy. Reıd nátıjesinde 19 kásipkerdiń zań buzǵany anyqtaldy. Olarmen jasalǵan kelisimshart buzyldy», - deıdi Rýslan Davletov.
Aıta keteıik, 2018-2019 jyldar aralyǵynda turaqtandyrý qoryna 1,535 tonna aýyl sharýashylyq taýarlaryn kepildendirý josparlanýda. «Atyraý» ÁKK» «UK» AQ ókilderiniń aıtýynsha, qazirgi ýaqytta kókónisterdi jınaý jumystary júrgizilýde.
«Turaqtandyrý qoryna 1270 tonna kartop, 115 tonna pııaz, 100 tonna sábiz jáne 111 tonna qyryqqabat qoıylady. Baǵalar arnaıy komıssııanyń sheshimimen bekitiledi. Olar naryq baǵasynan 10-15%-ǵa tómen bolady», - dep habarlady «Atyraý»ÁKK» UK» AQ departament bastyǵy Dmıtrıı Dıý.
