Atyraýlyq kásipker jedel járdem mamandaryna túski as ákelip berdi
ATYRAÝ. QazAqparat –Atyraýlyq kásipker qalalyq jedel járdem stantsııasynyń mamandaryna túski as aparyp berdi, dep habarlaıdy QazAqparat.
Jeke kásipker Qanat Bopasov jedel járdem brıgadalarynyń dárigerlerine túski asty ystyq kúıde ákelip berdi. Osylaısha, tótenshe jaǵdaıǵa baılanysty kúsheıtilgen rejımde jumys istep júrgen medıtsına qyzmetkerlerine qoldaý bildirmek bolǵan.
«Qazir elimiz úshin de, ár azamat úshin de ońaı bolyp turǵan joq. Osyndaıda bir-birimizdi qoldap, janashyrlyq tanytýymyz qajet. Ásirese, dárigerler otbasyna da, densaýlyǵyna da alańdamaı, ómirin táýekelge tigip, koronavırýspen kúresip jatyr. Bárimizge úlgi-ónege bolarlyq is atqaryp júrgen dárigerlerdi qoldaý úshin túski asty alyp keldim», -deıdi kásipker.
Belgili bolǵandaı, senbi kúni 25 jedel járdem brıgadasy qyzmette bolǵan.
