Atyraýlyq kásipker tótenshe jaǵdaı kezeńinde 50 adamnyń úıine ystyq tamaq jetkizip turmaq
Jylyoı aýdany ákimdigi koronavırýs ınfektsııasynyń aldyn alý sharalaryn kúsheıtýde. Kásipkerlerdiń qoldaýymen aýdanda muqtaj adamdarǵa neǵurlym qajet taýarlardy janaspaı jetkizý uıymdastyrylyp otyr. Jáne eldegi tótenshe jaǵdaı kezinde bıznes qurylymdar qaıyrymdylyqpen belsendi aınalysýda.
«Egde adamdardyń kóshege shyqpaýyna kóńil bólip otyrmyz. Jalǵyzbasty egde adamdar men múmkindigi shekteýli jandarǵa kómekti kúsheıtemiz. «Caspian Offshore Construction Realty» JShS (bas dırektory – Aleksandr Prokopets) demeýshilik qoldaýymen elde jarııalanǵan tótenshe jaǵdaı kezeńinde 50 jalǵyzbasty egde adamdar men múmkindigi shekteýli jandarǵa ystyq tamaq olardyń úılerine jetkizilip otyrady. Bul kómek tótenshe jaǵdaı aıaqtalǵansha jalǵaspaq. ıAǵnı, demeýshiler osy kezeńde elý muqtaj adamdy ystyq tamaqpen qamtamasyz etedi», - dedi Jylyoı aýdany ákiminiń orynbasary Ánýar Shakırov.
Bul halyqtyń neǵurlym osal toptaryna kórsetilip jatqan kómektiń bir ǵana mysaly. Bul basqa da kásipkerlerge úlgi bolmaq .
Eske sala keteıik, QR Prezıdenti Qasym-Jomart Toqaev óziniń qazaqstandyqtarǵa jasaǵan úndeýinde bılik tarapynan halyq pen bıznesti qoldaý sharalary týraly aıtqan bolatyn. Sonyń ishinde, TJ jaǵdaıynda halyqtyń neǵurlym osal toptaryn qoldaý máselesine aıryqsha kóńil bólinip otyr.
