Atyraýlyq kásipker óndirgen ónimderin muqtaj jandarǵa tegin taratty
ATYRAÝ. QazAqparat - Atyraýlyq kásipker «Aman-Esen» sharýa qojalyǵynyń jetekshisi Murat Isaǵalıev turmysy tómen otbasylar, jalǵyzbasty qarttar men múmkindigi shekteýli jandarǵa 2,5 tonna qarbyzdy tegin taratty, dep habarlaıdy QazAqparat tilshisi.
Jylyoı aýdanynda jumyspen qamtý, áleýmettik baǵdarlamalar jáne azamattyq hal aktilerin tirkeý bóliminde qaıyrymdylyq sharasy ótti.
«Egin sharýashylyǵymen aınalysatyn kásipker Murat Isaǵalıev bizdiń bólim ótkizetin qaıyrymdylyq sharalaryna jıi atsalysyp otyrady. Jyl saıyn óziniń baqshasynda ósirgen ónimderiniń bir bóligin aýdan turǵyndaryna tegin taratyp berýdi dástúrge aınaldyrǵan. Baqsha ónimderin satyp alýǵa keıbir otbasylardyń qarjylyq jaǵdaıy kelmeı jatatyny jasyryn emes. Bıznestiń áleýmettik jaýapkershiligin jiti uǵyna biletin osyndaı azamattarymyz kóbeıe bersin. Olardyń isteri basqa da kásipkerlerge úlgi bolsyn», deıdi bólim basshysy Serik Qamıdolla.
Jergilikti tátti qarbyzdy tegin alǵan turǵyndar jany jomart kásipkerdiń isine sáttilik tiledi.
