Atyraýlyq kásipker 52 mln teńge salyq tólemegeni úshin sottaldy
ATYRAÝ. QazAqparat - Atyraýlyq bıznesmen 52 mln teńge salyq tólemegen, dep habarlaıdy «QazAqparat» HAA tilshisi.
JK «Sam-Stroı» jetekshisi býhgalterlik qujattardy burmalaý arqyly salyqtan jaltarǵysy kelgen. 600 mln teńge kólemindegi qarjylyq operatsııalardy ol qolma qol aqshamen júrgizip kelgen. Memleketke keltirilgen zalal 52 091 834 teńgeni qurady, dep habarlaıdy Atyraý oblystyq memlekettik kirister departamentiniń baspasóz qyzmeti.
Sot úkimimen salyqtan jaltarǵan kásipker qylmystyq kodekstiń eki baby boıynsha jaýapqa tartylyp, materıaldyq jaýapkershilik júkteıtin qyzmetterde 3 boıy jumys isteý quqyǵynan aıyryldy, sonymen qatar oǵan bir jarym jyl probatsııa rejımi taǵaıyndaldy.
