Atyraýlyq karateshi Baýyrjan Kúmisqalıev álem chempıonatynda úzdik atandy
ATYRAÝ. QazAqparat - 3-5 qarasha kúnderi Astana qalasynda karate-do kıokýshınkaıdan (KWF) ekinshi álem chempıonaty ótti, dep habarlaıdy QazAqparat tilshisi.
29 memleketten 900-den astam sportshy qatysqan álemdik dodada atyraýlyq sportshy Baýyrjan Kúmisqalıev chempıon atandy.
75 keli salmaqta 32 sportshy baq synady. Baýyrjan irikteý kezeńderinde Bolgarııa, Polsha jáne Armenııa elderi ókilderinen basym tústi. Jartylaı fınalda qazaqstandyq sportshyny tize búktirse, aqtyq synda reseılik sportshyny utty.
Aıta ketý kerek, Baýyrjan 2017 jyly álem chempıonatynyń kúmis júldegeri atanǵan bolatyn. 2014 jyly Álem kýbogynda qola júldege ıe boldy.
