Atyraýlyq karateshi Azııa chempıony atandy
ATYRAÝ. QazAqparat - Japonııanyń Okınava aralynda karate sportynan jastar arasyndaǵy Azııa chempıonaty ótti, dep habarlaıdy QazAqparat tilshisi.
Atyraý oblysy dene shynyqtyrý jáne sport basqarmasynyń baspasóz hatshysy Іlııas Shaıhıevtiń aıtýynsha, WKF - Olımpıada oıyndaryna engen karateniń bul túri boıynsha saıystar óte joǵary deńgeıde. Sebebi Argentınada ótetin jastar Olımpıadasyna irikteý júrip jatyr.
68 keli salmaqta atyraýlyq sportshy Batyrǵalı Ábilmansur qarsylas shaq keltirmeı, chempıon atandy. Jerlesimizdiń salmaǵynda 20 karateshi boldy. Tórt kezdesýinde de ol jeńiske jetti.
Ábilmansur jasóspirimder arasyndaǵy Álem kýbogynyń ıegeri bolyp tabylady. Qazirgi tańda «Qaısar» sport klýbynda jattyǵady.
