«Atyraýlyq» fýtbolshylardy jańa maýsymǵa chernogorııalyq maman daıyndaıdy
ALMATY. 1 qańtar. QazAqparat - «Atyraý» fýtbol klýby Jańa jyldy jańa bapkermen qarsy aldy.
Ol - chernogorııalyq Mıodraga Radýlovıch. «Atyraý» komandasynyń bas bapkeri buǵan deıin «Zeta» (Golýbovtsy), «Borats» (Chachak), «Pahtakor» (Táshkent), «Býdýchnost» (Podgorıtsa), «Kazma» (Adılııa) komandalaryn jattyqtyryp, portýgalııalyq «Boavıshte», reseılik «Dınamoda» assıstent boldy. Sondaı-aq 2007 jyly Chernogorııa jastar quramasymen Eýropa chempıonatynyń qola júldesin jeńip alǵan. Ol «Atyraý» fýtbol klýbynyń tarıhyndaǵy ekinshi chernogorııalyq bapker bolyp otyr. Birinshisi - Zoran Fılıppovıch. Bıylǵy maýsymda komanda tizginin ustaǵan ol, atyraýlyqtardy órge súıreı almaı, jumysynan bosap qalǵan edi. Onyń ornyna taǵaıyndalǵan otandyq maman ıÝrıı Katkovti endi qaıtadan, ekinshi bir chernogorııalyq basyp otyr. Jalpy bul komandany ár jyldary A.Ámirov, K.Aımanov, V.Talgaev, A.Golokolosov, S.Tımofeev, A.Averıanov, V.Eremeev, B.Baıseıitov, S.Volgın, A.Shoh, V.Masýdov, V.Pasýlko, R.Mammadov, Z.Fılıpovıch, ıÝ.Konkov jattyqtyrǵan edi.
