Atyraýlyq fýtbolshylar Qytaıdyń «Dalıan Shıde» komandasymen 1:1 esebimen teń tústi
ALMATY. 17 qańtar. QazAqparat - Keshe Túrkııanyń Antalııa qalasynda «Atyraý» fýtbol klýby Qytaı Sýperlıgasynda óner kórsetetin Dalıan qalasynyń «Dalıan Shıde» komandasymen sparrıngtik kezdesý ótkizdi.
Chernogorııalyq Mıodrag Radýlovıch jattyqtyratyn atyraýlyqtar men portýgalııalyq Nelý Vıngada baptaıtyn dalıandyqtar bul oıynda 1:1 esebimen teń tústi. Qytaılyq bul komandanyń tizginin 2011 jyly ustaǵan N.Vıngada byltyrdan bastap «Dalıan Shıdeniń» óz fýtbol akademııasynyń oıynshylaryna arqa súıep júr. Qazirgi tańda reıtıngtegi 1058 klýbtyń arasynda 1515-shi orynda turǵan «Dalıan Shıde» Qytaı Sýperlıgasyndaǵy 16 komandanyń arasynda 14-shi orynda kele jatyr.
