«Atyraýlyq» fýtbolshylar chernogorııalyq «Býdýchnost» komandasynan 1:0 esebimen basym tústi
ALMATY. 18 aqpan. QazAqparat - «Atyraý» fýtbol klýby keshe Túrkııanyń Antalıa qalasyndaǵy ekinshi oqý-jattyǵý jıynyndaǵy úshinshi baqylaý matchyn Chernogorııanyń Podgorıtse qalasynyń «Býdýchnost» komandasymen ótkizdi.
Chernogorııalyq bapker Mıodrag Radýlovıch jattyqtyratyn atyraýlyqtar bul oıynda 1:0 esebimen basym tústi. Qarsylastar qaqpasyna soǵylǵan jalǵyz doptyń avtory frantsýz shabýylshy Mıkael Antýan-Kıýre boldy. Ótken maýsymda Malaızııanyń «Felda ıÝnaıted» komandasynda baq synaǵan bul oıynshy endi Qazaqstan Premer-lıgasynda «Atyraýda» óner kórsetpek.
Atyraýlyqtar buǵan deıin Belorýs eliniń Solıgorsk qalasynyń «Shahterine» 1:2, odan keıin Ýkraınanyń Poltava qalasynyń «Vorskla» komandasyna 0:1 bop utylǵan edi.
