Atyraýlyq fýtbolshylar alańǵa bir-bir kúshik qushaqtap shyqty
Fýtboldan Qazaqstan premer-lıgasynda «Atyraý» fýtbol klýby «Oqjetpes» komandasymen kezdesip, 0:4 esebimen utylyp qalǵan edi.
Biraq atyraýlyq oıynshylar bul joly jankúıerlerdi basqa jolmen tańqaldyrdy. Olardyń árqaısysy jasyl alańǵa bir-bir kúshikten alyp shyqty.
Osylaısha olar kópshiliktiń nazaryn qaraýsyz júrgen úı janýarlaryna aýdarǵysy kelgenin aıtady.
Atalǵan klýbtyń baspasóz qyzmetinen bilgenimizdeı, bul «It – jeti qazynanyń biri» atty aktsııanyń bir bóligi bolyp shyqty.
Oǵan «Dobroe serdtse» qoǵamdyq qorynyń eriktileri qatysqan. Atalǵan uıym 2016 jyldan beri úısiz janýarlarǵa jańa qojaıyn tabýǵa kómektesip keledi.
Ókinishke qaraı, sońǵy kezde Atyraýda janýarlarǵa kórsetiletin qorlyq azaımaı otyr.
Byltyr jeltoqsanda eriktiler sýdan moınyna tas baılanǵan kúshikti alyp shyqty.
Taǵy birde balalar kúshikke tas baılap, qapqa salyp, ózenge batyrǵysy kelgen. Bıyl da kúshikterdi qorapqa salyp, skotchpen orap, muzǵa tastaǵan jaǵdaı tirkeldi.
Al, 2020 jyly er adam óz ıtin tońazytqyshtyń esigimen qysyp, zorlyq-zombylyq kórsetti.
Osylaısha ol qyzyn tistep, eginin búldirgen tórtaıaqty dosyn jazalaǵysy kelgenin aıtqan. Bul oqıǵa jelide jeldeı esip, aqyry ıtti Amerıkadaǵy otbasy asyrap aldy.
Endi «Lakı» degen jańa esimdi enshilegen ıt Kalıfornııada baqytty kún keship jatyr.
Eske sala keteıik, buǵan deıin biz azaptaý men basqa da qatygezdiktiń aldyn alýǵa qatysty zańǵa qol qoıylǵanyn habarlaǵan edik.
