Atyraýlyq dzıýdoshy qyz Eýropa kýboginiń kúmis júldesin ıelendi
Atyraý oblystyq dene shynyqtyrý jáne sport basqarmasynyń baspasóz qyzmetinen málim etkendeı, Eýropa kýbogi 15-16 sáýirde Horvatııada ótken.
«Horvatııa Respýblıkasynyń Dýbrovnık qalasynda dzıýdodan erler men áıelder arasynda Eýropa Kýbogi ótti. Bul dodaǵa álemniń 24 elinen 308 sportshy qatysty.
Qazaqstannyń namysyn qorǵaǵan ulttyq quramanyń sapyndaǵy atyraýlyq dzıýdoshy Esımgýl Kýıýlova 63 keli salmaqta kúmis júldege ıe boldy», -dep habarlady basqarmanyń baspasóz qyzmeti.
Eýropa kýboginiń irikteý kezeńinde qazaqstandyq dzıýdoshy Danııa men Horvatııadan, Gollandııa elinen qatysqan balýandardy utqan. Al, jartylaı fınalda Horvatııanyń taǵy bir sportshysynan basym túsken. Tek aqtyq synda Germanııa eliniń sportshysynan utyldy.
«Esımgýl Kýıýlova – osyndaı dodalardyń júldesin ıelengen tájirıbeli sportshy. Ol byltyr jastar arasynda dzıýdodan Azııanyń eki dúrkin chempıony atanǵan edi. Sol jyly Ispanııanyń Malaga qalasynda dzıýdodan ótken Eýropa kýboginiń altyn medalin ıelendi.
Bul dodada Ispanııa men Germanııanyń sportshylaryn qapy qaldyrdy. Jartylaı fınalda taǵy bir nemis, aqtyq synda frantsýz qyzynan basym túsken edi», -dep málim etti basqarmanyń baspasóz qyzmetinen.
Eske sala ketelik, buǵan deıin atyraýlyq taekvondoshy álem chempıonatynyń irikteý týrnırinen altyn medal alǵanyn jazǵan edik.
Slovenııayń Lıýbıana qalasynda ótken irikteý týrnırinde Marııa Sevostıanova 57 keli salmaqta altyn medaldy jeńip alǵan. Ony saıysqa jattyqtyrýshy Sáýle Sardarova daıyndaǵan.