Atyraýlyq dzıýdoshy halyqaralyq týrnırden «qola» júlde jeńip aldy
ATYRAÝ. QazAqparat - Atyraýlyq sportshy Іnjý Jumajan Polshadaǵy halyqaralyq týrnırde qola medal jeńip aldy, dep habarlaıdy QazAqparat tilshisi.
Polshanyń Markı qalasynda jasóspirimder arasynda dzıýdodan «SAME JUDO CUP» halyqaralyq týrnıri óz máresine jetti.
Álemniń 20-dan astam elinen kelgen 1250 sportshynyń arasynda Atyraý oblysy Isataı aýdany «Barys» jastar sport klýbynyń tárbıelenýshisi Іnjý Jumajan da boldy. Ol 28 kelige deıingi salmaq dárejesinde óner kórsetti.
Іnjý alǵashqy aıqasynda birneshe eskertý alyp, Germanııadan kelgen qarsylasyna ese jiberdi. Jas sportshy Frantsııa, Polsha jáne Rýmynııadan kelgen sportshylarmen kezdesýdiń nátıjesi boıynsha úshinshi orynǵa ıe boldy: Іnjý Jumajan polshalyq sportshyny aıqyn basymdyqpen jeńdi.
