Atyraýlyq dzıýdoshy Eýropa kýbogynda jeńimpaz atandy
Oblystyq sport jáne dene shynyqtyrý basqarmasynyń baspasóz qyzmetinen málim etkendeı, Reseıdiń Orynbor qalasynda dzıýdodan eresekter arasynda «Orenburg Cup 2021» Eýropa kýbogi ótip jatyr.
Eýropa kýbogin ıelený úshin halyqyralyq saıysta álemniń 14 elinen 189 sportshy baq synaýda.
Bul dodada atyraýlyq dzıýdoshy Baqyt Abdýsamat 60 keli salmaqta qarsylastarynyń bárin utyp, Eýropa kýboginiń jeńimpazy atandy.
«Ol irikteý kezeńinde reseılik Egor Tsvetkov men ıtalııalyq dzıýdoshy Marıo Petrosınony jarys jolynan yǵystyrdy. Al, jartylaı fınalda Ázerbaıjan eliniń ókili Ahmat ıÝsýpovtan basym tústi. Aqtyq básekede Reseı Federatsııasynan qatysqan qarsylasy Iznanýr Saevty qapy qaldyrǵan qazaq sportshysy elimizdiń kók baıraǵyn jelbiretip, ánuranymyzdy shyrqatty», -dep habarlady basqarmanyń baspasóz qyzmeti.
Atalǵan dodada atyraýlyq taǵy bir sportshy kúmis júldege ıe boldy. Ol – Abıba Abýjaqynova.
Áıelder arasynda 48 keli salmaqta synǵa túsken ol úsh kezdesý ótkizken. Aqtyq synda reseılik sportshyǵa ese jiberdi.
Eske sala ketelik, budan buryn atyraýlyq palýan sambodan álem kýbogyn ıelengen bolatyn.
