Atyraýlyq Dmıtrıı Lı Parazıada oıyndarynda kúmis júlde aldy
ATYRAÝ. QazAqparat -Indonezııanyń Djakarta qalasynda Parazıada oıyndarynyń ekinshi jarys kúni máresine jetti.
Qazaqstan ulttyq quramasynyń múshesi, atyraýlyq sportshy Dmıtrıı Lı 100 metrge erkin ádispen júzýde kúmis júldeger atandy, dep xabarlaıdy QazAqparat tilshisi.
Otandasymyz jarys jeńimpazy atanǵan ırandyq sportshydan 1 sekýndqa qana qalyp qoıdy. Úzdik úshtikti Úndistandyq sportshy túıindedi.
Aıta ketý kerek, jarystyń alǵashqy kúni sportyshymyz 100 metrde batterflıaı ádisimen júzýde qola júldeger atanǵan bolatyn. Sportshymyz áli birneshe qashyqtyqta synǵa túsedi.
