Atyraýlyq depýtat mektepke jylyjaı syıǵa tartty
Nysandy Atyraý qalasyndaǵy Ahmet Baıtursynov atyndaǵy № 23 orta mektepke «Nur Otan» partııasy qalalyq fraktsııasynyń múshesi, qalalyq máslıhat depýtaty Álibek Semǵalıev tartý etti.
«Óskeleń urpaqty eńbekqorlyqqa baýlý paryzymyz. Sondyqtan ózim saılanǵan okrýgte ornalasqan № 23 orta mekteptiń basshylyǵy jylyjaı jobasy týraly usynys jasaǵanda birden qoldadym. Qajetti kommýnıkatsııa júıesi júrgizilgen jylyjaıdy balalar ıgiligine tapsyrdym. Eń bastysy - balalar qýanyp júr. «Fıtodızaın» úıirmesine qatysyp júrgen oqýshylar alǵashqy ósimdikterin egip úlgeripti. Aldaǵy naýryz aıynda jylyjaı ishin jasyl jelekke bóleımiz dep otyr», - deıdi Álibek Semǵalıev.
Aıta ketelik, mektep qolǵa alǵan «Ekologııalyq jylyjaı» jobasy oqýshylardyń ósimdikter týraly bilimderin keńeıtip, bıologııa páninen praktıkalyq jumystar júrgizýdi kózdeıdi. ıAǵnı oqýshylar jylyjaıda kókinister ósirýdi, qatar qorshaǵan ortany qorǵaýdy úırenedi.
