Atyraýlyq dárigerler iri jol apatynan zardap shekkenderdiń ómiri úshin kúresýde
ATYRAÝ. QazAqparat - Atyraýlyq dárigerler iri jol apatynan zardap shekken adamdardyń ómiri úshin kúresýde, dep habarlaıdy QazAqparat.
Eske salaıyq, beısenbi, 8 maýsym kúni tańerteń Atyraý-Astrahan tasjolynda «Toıota Land Krýzer» men «Lada Granta»kólikteri soqtyǵysyp, saldarynan ekinshi kóliktiń júrgizýshisi men ondaǵy tórt jolaýshy oqıǵa ornynda ajal qushty. Olardyń arasynda úsh jasar bala bar.
«Jolaýshylardyń biri ǵana - 37 jastaǵy er adam aman qaldy. Ol jabyq bas-mı jaraqatymen oblystyq aýrýhanaǵa jetkizildi. Zardap shegýshi gametoma, bas mıyna aýyr dárejede soqqy alý, ókpe tusyna soqqy alý, qabyrǵanyń jabyq kúıde synyp, ornynan jyljýy dıagnozdarymen túsken bolatyn. Birneshe saǵatqa sozylǵan operatsııa aıaqtaldy. Zardap shegýshiniń bas súıegine trepanatsııa jasalyp, gematoma alyndy», - dep habarlady oblystyq aýrýhananyń hırýrgııa bólimshesiniń meńgerýshisi Alýadın Nurberdıev.
Sondaı-aq oqıǵa kezinde jol talǵamaıtyn kólikte bolǵan eki adam zardap shekti. Olar da oblystyq aýrýhanaǵa jetkizilip, ýrologııa jáne travmatologııa bólimshelerine jatqyzyldy. Ártúrli dárejedegi synyq jaraqattaryn alǵan olarǵa da ota jasaldy.
