Atyraýlyq dárigerler 6-qabattan qulaǵan sábıdi aman alyp qaldy
ATYRAÝ. QazAqparat – Atyraý oblystyq balalar aýrýhanasynyń dárigerleri 6- qabattan qulaǵan qyzdy aman alyp qaldy, dep habarlaıdy QazAqparat tilshisi.
«2019 jyly 6 qyrkúıekte saǵat 18.30 shamasynda Atyraý oblystyq balalar aýrýhanasynyń jedel járdem bólimine 2017 jyly týǵan «Iyq súıeginiń synýy, tómengi jaq súıeginiń synýy, kóptegen qabyrǵalarynyń synýy, 1-2 dárejeli travmatıkalyq shok» dıagnozymen jetkizildi»-dep habarlady oblystyq densaýlyq saqtaý basqarmasynyń baspasóz qyzmetinen.
Jaraqattanǵan qyz bala jedel túrde jansaqtaý bólimine jatqyzyldy, dárigerler bir saǵat ishinde balany hırýrgııalyq emdeýge daıyndady, ota kezinde kishkentaı qyzdyń kókbaýyry men ishki qan ketýleri anyqtaldy. Alaıda, sátti otaǵa qaramastan, aýyr jaraqat pen kóp qan joǵaltý saldarynan taǵy alty kún jansaqtaý bóliminde dárigerlerdiń baqylaýynda ustaýǵa týra keldi.
Ata-anasynyń aıtýy boıynsha, eki jasar sábı altynshy qabattan qulaǵan, jedel járdem bólimine jetkizgen ata-anasynyń shuǵyl áreketiniń arqasynda naýqasqa medıtsınalyq kómek ýaqtyly kórsetildi. Dárigerlerdiń kásibı qyzmetiniń nátıjesinde sábıdiń ómirine esh qaýip tónip turǵan joq.
