Atyraýlyq bir top oqýshy Táýelsizdik kúnin Astanada toılaıdy

ATYRAÝ. QazAqparat - Atyraýlyq bir top oqýshy Táýelsizdik kúnin elordada atap ótetin boldy. 13 jeltoqsanda áleýmettik muqtajdyǵy bar jáne az qamtylǵan otbasylardan shyqqan 40 oqýshy Astanaǵa attandy, dep habarlaıdy «QazAqparat» HAA tilshisi Óńirlik kommýnıkatsııalar qyzmetine silteme jasap.

Balalardy meıram kezinde Astanaǵa saıahatqa jiberý ıdeıasyna oblystyq kásipkerlik jáne ındýstrıaldy-ınnovatsııalyq damý basqarmasy bastamashy boldy.

«Búgin biz úshin tamasha kún. Oqýshylarymyzǵa elordaǵa qydyryp qaıtý múmkindigin syılaǵany úshin basqarma basshylyǵyna alǵys aıtamyz. Osy qaıyrymdylyq aktsııasy aldaǵy ýaqytta da jalǵasa beredi dep úmittenemiz», - deıdi tárbıelik jumystar ádiskeri Jumazııa Bozaeva.

«Astanaǵa bara jatqanyma óte qýanyshtymyn. Bizge osyny uıymdastyryp bergenderge kóp rahmet!» - deıdi Q. Sátbaev atyndaǵy orta mekteptiń oqýshysy Nuraına Májıt.

Úsh kún boıy oqýshylar mýzeılerge barady, Astananyń kók tiregen alyp ǵımarattaryn aralap, kórikti jerlerdi tamashalaıdy.